O ČASICH SVJATYJA PASCHI I VSEJA SVITLYJA SEDMICY.
Podobajet vidati, jako ot seho dne svjatyja i velikija Neďili Paschi daže do subboty, časy sice pojutsja.
Načenšu jereju: Blahoslovén Bóh náš, vsehdá nýňi i prísno i vo víki vikóv.
Lik: Amíň.
(Ášte mírjan: Molítvami svjatých Otéc, Hóspodi Isúse Chríste, Bóže náš, pomíluj nás. Amíň.)
Christós voskrése iz mértvych, * smértiju smerť popráv * i súščim vo hrobích živót darováv. Triždy.
Taže hlaholem triždy:
Voskresénije Christóvo víďivše, * poklonímsja Svjatómu Hóspodu Isúsu, * jedínomu bezhríšnomu, * krestú Tvojemú poklaňáemsja, Christé, * i svjatóe Voskresénije Tvojé pojém i slávim: * Ty bo jesí Boh naš, * rázvi Tebé inóho ne znájem, * ímja Tvojé imenújem. * Prijidíte vsi vírniji, * poklonímsja Svjatómu Christóvu Voskreséniju: * se bo prijíde krestóm rádosť vsemú míru. * Vsehdá blahoslovjášče Hóspoda, * pojém Voskresénije Jehó: * raspjátije bo preterpív, * smértiju smerť razruší.
Taže ipakoi, hlas 4, jedinošči:
Predvarívšyja útro, jáže o Maríi, * i obrítšyja kámeň otvalén ot hróba, * slýšachu ot Anhela: vo svíte prisnosúščňim Súščaho * s mértvymi čto íščete, jáko čelovíka? * Vídite hróbnyja pelený, tecýte i míru propovídite, * jáko vostá Hospóď, umertvívyj smerť, * jáko jesť Syn Bóha, spasájuščaho rod čelovíčeskij.
Taže, kondák, hlas 8, jedinošči:
Ašče i vo hrob snizšél jesí, Bezsmértne, * no ádovu razrušíl jesí sílu * i voskrésl jesí, jáko Pobidíteľ, Christé Bóže, * ženám mironósicam viščávyj: rádujtesja! * I Tvoím apóstolom mir dárujaj, * pádšim podajáj voskresénije.
Taže i sej tropar, jedinošči:
Vo hróbi plótski, vo áďi že s dušéju jáko Boh, * v raí že s razbójnikom, i na Prestóľi byl jesí Christé, so Otcém i Dúchom, * vsja ispolňájaj, neopísannyj.
Sláva: Jako Živonósec, jáko rajá krasňíjšij, * voístinu i čertóha vsjákaho cárskaho pokazásja svitľíjšij, Christé, hrob Tvoj, * istóčnik nášeho voskresénija.
I nyňi, Bohorodičen: Výšňaho osvjaščénnoje Božéstvennoje selénije, rádujsja, * Tobóju bo dadésja rádosť, Bohoródice, zovúščim: * blahoslovénna Ty v ženách jesí, Vseneporóčnaja Vladýčice.
Taže
Hóspodi, pomíluj, (40x)
Sláva, i nýňi: Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.
Imenem Hospódnim blahosloví, ótče.
Jerej: Molítvami svjatých Otéc, Hóspodi Isúse Chríste, Bóže náš, pomíluj nás.
My že rečem: Amíň.
I paki hlaholem podobne: Christós voskrése iz mértvych, * smértiju smerť popráv * i súščim vo hrobích živót darováv. Triždy.
Sláva, i nýňi: Hóspodi, pomíluj. Triždy. Blahosloví.
I otpust pervaho časa.
Voskrésyj iz mértvych, Christós ístinnyj Bóh náš, molítvami prečístyja svojejá Mátere, prepodóbnych i bohonósnych otéc náčich, i vsích svjatých, pomílujet i spasét nás, jáko bláh i čelovikoľúbec.
My že rečem: Amíň.