Ornament Ornament

Jeréj: Blahoslovén Bóh náš, vsehdá nýňi i prísno i vo víki vikóv. (ášče že ňísť jeréja moľáščasja, načinájem: Molítvami svjatých otéc nášich, Hóspodi Iisúse Christé Bóže náš, pomíluj nás.) I mý: Amíň.

Sláva Tebí Bože náš, sláva Tebí.

Carjú nebésnyj, uťišiteľu, dúše ístiny, íže vezďí sýj i vsjá ispolňájaj, sokróvišče blahích i žízni podáteľu, priidí i vselísja v ný, i očísti ný ot vsjákija skvérny, i spasí, bláže, dúšy náša.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv. Amíň.

Hóspodi, pomíluj. (6x)

Hóspodi, pomíluj. (6x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Priidíte, poklonímsja carévi nášemu Bóhu.

Priidíte, poklonímsja, Christú, carévi, nášemu Bóhu.

Priidíte, poklonímsja, i pripadém samomú Hóspodu Iisúsu Christú, carévi i Bóhu nášemu.

Psalóm 16.

Uslýší Hóspodi právdu mojú, * voňmí moléniju mojemú. – Vnuší molítvu mojú * ne v ustnách ľstívych. – Ot licá tvojehó sudbá mojá izýdet: * óči mojí da vídita pravotý. –Iskusíl jesí sérdce mojé, positíl jesí nóščiju: * iskusíl mjá jesí, i ne obrítesja vo mňí neprávda. – Jáko da ne vozhlahóľut ustá mojá ďíl čelovíčeskych, * za slovesá ustén tvojích áz sochraních putí žéstoki. – Soverší stopý mojá v stezjách tvojích, * da ne podvížutsja stopý mojá. – Áz vozzvách, jáko uslýšal mjá jesí Bóže, * prikloní úcho tvojé mňí, i uslýši hlahóly mojá. – Udiví mílosti tvojá, * spasájaj upovájuščyja na ťá. – Ot protivjáščichsja desníci tvojéj, sochraní mjá Hóspodi * jáko zinícu óka. – V króvi krilú tvojéju pokrýješi mjá. * Ot licá nečestívych ostrastšich mjá. – Vrazí mojí dúšu mojú oderžáša: túk svój zatvoríša: * ustá ích hlahólaša hordýňu. – Izhoňáščiji má nýňi obýdoša mjá, * óči svojí vozložíša ukloníti na zémľu. – Objáša mjá jáko lév hotóv na lóv, * i jáko skýmen obitájaj v tájnych. – Voskresní Hóspodi, predvarí já i zapní ím: * izbávi dúšu mojú ot nečestívaho, orúžije tvojé: ot vráh rukí tvojejá. – Hóspodi, ot malých ot zemlí, razďilí já v živoťí ích * i sokrovénnych tvojích ispólnisja črévo ích. – Nasýtišasja synóv, * i ostáviša ostánki mládencem svojím. – Áz že právdoju javľúsja licú tvojemú: * nasýščusja, vnehdá javítimisja slávi tvojéj.

Psalóm 24.

K tebí, Hóspodi, vozdvihóch dúšu mojú, Bóže moj, na ťa upovách, * da ne postyždúsja vo vík. Nižé da posmíjutmisja vrazí mojí: - íbo vsi terpjáščiji ťa ne postyďátsja. * Da postyďátsja bezzakónujuščiji vo tšče. – Putí tvojá, Hóspodi, skaží mňi: * i stezjám tvojím naučí mja. – Nastávi mja na ístinu tvojú i naučí mja, * jáko ty jesí Bóh Spás moj, i tebé terpích ves deň. – Pomjaní ščedróty tvojá, Hóspodi, * i mílosti tvojá, jáže ot víka suť. – Hrich júnosti mojejá, * i nevíďinija mojehó ne pomjaní. – Po mílosti tvojéj pomjaní mja ty, * rádi bláhosti tvojejá. – Bláh i práv Hóspoď, * sehó rádi zakonopoložít sohrišájuščym na putí. – Nastávit krótkija na súd: * naučít krótkija putém svojím. – Vsi putijé Hospódni mílosť i ístina, * vzyskájuščym zavíta jehó i sviďínija jehó. – Rádi ímene tvojehó, Hóspodi, * i očistí hrich moj, mnoh bo jesť. – Kto jesť čelovík bojájsja Hóspoda? * zakonopoložít jemú na putí, jehože izvóli. – Dušá jehó vo blahích vodvorítsja, * i símja jehó nasľídit zémľu. – Deržáva Hóspoď bojáščichsja jehó, * i zavít jehó javít im. – Óči mojí výnu ko Hóspodu, * jáko toj istórhnet ot síti nózi mojí. – Prízri na mja i pomíluj mja, * jáko jedinoród i níšč jesm az. – Skórbi sérdca mojehó umnóžišasja, * ot nužd mojích izvedí mja. – Vižď smirénije mojé i trud moj, * i ostávi vsja hrichí mojá. – Vižď vrahí mojá, jáko umnóžišasja, * i nenaviďínijem neprávednym voznenavíďiša mja. – Sochraní dúšu mojú, i izbávi mja, * da ne postydúsja, jáko upovách na ťa. – Nezlóbiviji i práviji priľipľáchusja mňi, * jáko poterpích ťa, Hóspodi. – Izbávi, Bóže, Izráiľa * ot vsich skorbéj jehó.

Psalóm 50.

Pomíluj mja, Bóže, po velícij mílosti tvojéj. * I po mnóžestvu ščedrót tvojích očísti bezzakónije mojé. – Najpáče omýj mja ot bezzakónija mojehó, * i ot hrichá mojehó očísti mja. – Jáko bezzakónije mojé az znáju, * i hrich moj predomnóju jesť výnu. – Tebí jedínomu sohriších * i lukávoje pred tobóju sotvorích, - jáko da opravdíšisja vo slovesích tvojích, * i pobidíši vnehdá sudíti ti. – Se bo v bezzakónijich začát jesm, * i vo hrisích rodí mja máti mojá. - Se bo ístinu vozľubíl jesí: * bezvístnaja i tájnaja premúdrosti tvojejá javíl mi jesí. – Okropíši mja yssópom i očíščusja, * omýješi mja, i páče sňíha ubíľusja. – Slúchu mojemú dási rádosť i vesélije, * vozrádujutsja kósti smirénnyja. – Otvratí licé tvojé ot hrich mojích: * i vsja bezzakónija mojá očísti. – Sérdce čísto sozíždi vo mňi, Bóže, * i duch prav obnoví vo utróbi mojéj. – Ne otvérži mené ot licá tvojehó, * i Dúcha tvojehó svjatáho ne otimí ot mené. – Vozdážď mi rádosť spasénija tvojehó, * i Dúchom vladýčnym utverdí mja. – Naučú bezzakónnyja putém tvojím, * i nečestíviji k tebí obraťátsja. – Izbávi mja ot krovéj, Bóže, Bóže, spasénija mojehó: * vozrádujetsja jazýk moj právďi tvojéj. – Hóspodi ustňí mojí otvérzeši, * i ustá mojá vozvisťát chválu tvojú. – Jáko ašče by voschoťíl jesí žértvy dal bych úbo, * vsesožžénija ne blahovolíši. – Žértva Bóhu duch sokrušén: * sérdce sokrušénno i smirénno Boh ne uničižít. – Ublaží, Hóspodi, blahovolénijem tvojím Sijóna, * i da soziždutsja sťíny Jerusalímskija. – Tohdá blahovolíši žértvu právdy, voznošénije i vsesožžehajémaja, * tohdá vozložát na oltár tvoj telcý.

Sláva, i nýňi: Allilúia, allilúia, allilúia. Sláva tebí, Bóže. (3x)

Hóspodi, pomíluj. (3x)

Sláva, tropár, hlás 4: Bóže otéc nášich, tvorjáj prísno s námi po tvojéj krótosti, ne otstávi mílosť tvojú ot nás: no molítvami ích v míri uprávi živót náš.

I nýňi: Bohoródičen: Bohoródice, ty jesí lozá ístinnaja, * vozrastívšaja nám plód živóta: * tebí mólimsja: molísja, Vladýčice, * so svjatými apóstoly, * pomílovati dúšy náša.

Hospóď Bóh blahoslovén, blahoslovén Hospóď déň dné, pospišít nám Bóh spasénij nášich, Bóh náš, Bóh jéže spasáti.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv. Amíň.

Kondák, hlás 4. Podóben: javílsja jesí: V zápovidech bódrstvoval jesí Vladýčnich, níščym rastočívyj tvojé bohátstvo, blažénne, tícho, s soprúžniceju i čády tvojími: ťímže nasľídujete Božéstvennoje naslaždénije.

Hóspodi, pomíluj. (40x) Íže na vsjákoje vrémja i na vsjákij čás, na nebesí i na zemlí poklaňájemyj i slávimyj, Bóže blahíj, dolhoterpilívyj i mnohomílostivyj, právednyja ľubjáj, i hríšnyja mílujaj, vsjá zovýj ko spaséniju, obiščánija rádi búduščich bláh: sám, Hóspodi, primí í náša v čás séj molítvy, i isprávi živót náš k zápovidem Tvojím, dúšy náša osvjatí i ťilesá očísti, pomyšlénija isprávi, rázum ucilomúdri i istrézvi, i izbávi nás ot vsjákija skórbi, zól i boľíznej, i ohradí nás svjatými ánhely Tvojími, jáko da opolčénijem ích sobľudájemi i nastavľájemi, dostíhnem v jedínstvo víry, i v rázum neprikosnovénnyja Tvojejá slávy: jáko blahoslovén jesí vo víki vikóv, amíň.

Hóspodi, pomíluj. (3x) Sláva, i nýňi:

Čestňíjšuju Cheruvím i slávňijšuju bez sravnénija Serafím, bez istľínija Bóha Slóva róždšuju súščuju Bohoródicu ťá veličájem.

Ímenem Hóspodnim blahosloví ótče.

Jeréj: Molítvami svjatých otéc nášich, Hóspodi Iisúse Christé Bóže náš, pomíluj nás.

(ášče že ňísť jeréja moľáščasja, hlahólem: Molítvami svjatých otéc nášich, Hóspodi Iisúse Christé Bóže náš, pomíluj nás.) L: Amiň.

Posém molítvu sijú: Vladýko Bóže, Ótčé vsederžíteľu, Hóspodi Sýne jedinoródnyj, Isúse Christé, i svjatýj Dúše: jedíno Božestvó, jedína síla, pomíluj mjá hrišnaho, i ímiže vísi sudbámi, spasí mjá nedostójnaho rabá tvojehó, jáko blahoslovén jesí vo víki vikóv, amiň.

Jeréj: Sláva Tebí, Christé Bóže upovánije náše, sláva Tebí.

Sláva, i nýňi: Hóspodi, pomíluj. (3x) Blahosloví.

Christós ístinnyj Bóh náš, molítvami prečístyja svojejá Mátere, prepodóbnych i bohonósnych otéc nášich, i vsích svjatých, pomílujet i spasét nás, jáko bláh i čelovikoľúbec.

Lík: Amíň.

(ášče molítsja mírjan molítvu, netvorít otpúst sícevyj, no hlahólet tókmo: Sláva, i nýňi: Hóspodi, pomíluj. (3x) Blahosloví. Molítvami svjatých otéc nášich, Hóspodi Iisúse Christé Bóže náš, pomíluj nás. Amíň. Ornament