Ornament

Jeréj: Blahoslovén Boh náš vsehdá nýňi i prísno i vo víki vikóv.

(ášče že ňísť jeréja moľáščasja, načinájem: M**olítvami svjatých otéc nášich, Hóspodi Iisúse Christé Bóže náš, pomíluj nás.)

I mý: Amíň.

Sláva Tebí Bože náš, sláva Tebí.

Carjú nebésnyj, uťišiteľu, dúše ístiny, íže vezďí sýj i vsjá ispolňájaj, sokróvišče blahích i žízni podáteľu, priidí i vselísja v ný, i očísti ný ot vsjákija skvérny, i spasí, bláže, dúšy náša.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.

Amíň.

Hóspodi, pomíluj. (6x)

Hóspodi, pomíluj. (6x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Priidíte, poklonímsja carévi nášemu Bóhu.

Priidíte, poklonímsja, Christú, carévi, nášemu Bóhu.

Priidíte, poklonímsja, i pripadém samomú Hóspodu Iisúsu Christú, carévi i Bóhu nášemu.

Psalóm 50

Pomíluj mja, Bóže, po velícij mílosti tvojéj. – I po mnóžestvu ščedrót tvojích očísti bezzakónije mojé. – Najpáče omýj mja ot bezzakónija mojehó, i ot hrichá mojehó očísti mja. – Jáko bezzakónije mojé az znáju, i hrich moj predomnóju jesť výnu. – Tebí jedínomu sohriších i lukávoje pred tobóju sotvorích, jáko da opravdíšisja vo slovesích tvojích, i pobidíši vnehdá sudíti ti. – Se bo v bezzakónijich začát jesm, i vo hrisích rodí mja máti mojá. – Se bo ístinu vozľubíl jesí: bezvístnaja i tájnaja premúdrosti tvojejá javíl mi jesí. – Okropíši mja yssópom i očíščusja, omýješi mja, i páče sňíha obíľusja. – Slúchu mojemú dási rádosť i vesélije, vozrádujutsja kósti smirénnyja. – Otvratí licé tvojé ot hrich mojích: i vsja bezzakónija mojá očísti. – Sérdce čísto sozíždi vo mňi, Bóže, i duch prav obnoví vo utróbi mojéj. – Ne otvérži mené ot licá tvojehó, i Dúcha tvojehó svjatáho ne ottimí ot mené. – Vozdážď mi rádosť spasénija tvojehó, i Dúchom vladýčnym utverdí mja. – Naučú bezzakónnyja putém tvojím, i nečestíviji k tebí obraťátsja. – Izbávi mja ot krovéj, Bóže, Bóže, spasénija mojehó: vozrádujetsja jazýk moj právďi tvojéj. – Hóspodi ustňí mojí otvérzeši, i ustá mojá vozvisťát chválu tvojú. – Jáko ašče by voschoťíl jesí žértvy dal bych úbo, vsesožžénija ne blahovolíši. – Žértva Bóhu duch sokrušén: sérdca sokrušénna i smirénna Boh ne uničižít. – Ublaží, Hóspodi, blahovolénijem tvojím Sijóna, i da soziždutsja sťíny Jerusalímskija. – Tohdá blahovolíši žértvu právdy, voznošénije i vsesožžehajémaja, tohdá vozložát na oltár tvoj telcý.

Psalóm 69:

Bóže v pómošč mojú voňmí, Hóspodi, pomoščí mi potščísja. – Da postyďátsja i posrámjatsja, íščuščiji duší mojejá. – Da vozvraťátsja vspjať i postyďátsja, choťáščiji mi zlája. – Da vozvraťátsja ábije styďáščesja, hlahóľuščiji mňi: bláhože bláhože. – Da vozrádujutsja i vozveseľátsja o tebí vsi íščuščiji tebé Bóže, i da hlahóľut výnu: da vozvelíčitsja Hospoď, ľúbjaščiji spasénije tvojé. – Az že nišč jesm i ubóh, Bóže, pomozí mi. –Pomóščnik moj i izbáviteľ moj jesí ty, Hóspodi, * ne zakosní.

Psalóm 142:

Hóspodi uslýši molítvu mojú, vnuší molénije mojé vo ístiňi tvojéj, uslýši mja vo právďi tvojej. – I ne vnídi v súd s rabóm tvojím, jáko ne opravdítsja pred tobóju vsjak živýj. – Jáko pohná vrah dúšu mojú, smiríl jesť vo zémľu živót moj. – Posadíl mja jesť v témnych jako mértvyja víka, i uný vo mňi duch moj: vo mňi smjatésja sérdce mojé. – Pomjanúch dni drévnyja: poučíchsja vo vsich ďíľich tvojích, vo tvorénijich rukú tvojéju poučáchsja. – Vozďích k tebí rúci mojí, dušá mojá jako zémľa bezvódnaja tebí. – Skóro uslýši mja, Hóspodi, isčezé duch moj. – Neotvratí licá tvojehó ot mené, i upodóbľusja nischoďáščym v rov. – Slýšanu sotvorí mňi zaútra mílosť tvojú, jáko na ťa upovách. – Skaží mňi, Hóspodi puť vo oňže pojdú, jáko k tebí vzjach dúšu mojú. – Izmí mja ot vrah mojích, Hóspodi, k tebí pribihóch, naučí mja tvoríti vóľu tvojú, jáko ty jesí Bóh moj. – Duch tvoj blahíj nastávit mja na zémľu právu, ímene tvojehó rádi, Hóspodi, živíši mja právdoju tvojéju. – Izvedéši ot pečáli dúšu mojú, i mílostiju tvojéju potrebíši vrahí mojá. – I pohubíši vsja stužájuščyja duší mojéj, jáko áz rab tvoj jésm. – Uslýši mja Hóspodi v právďi tvojéj, i ne vnídi v sud s rabóm tvojím. – Uslýši mja Hóspodi v právďi tvojéj, i ne vnídi v sud s rabóm tvojím. – Duch tvoj blahíj,* nastávit mja na zémľu právu.

Male slavoslóvije

Sláva vo výšnich Bóhu, i na zemlí mir, vo čelovícich blahovolénije. Chválim ťa, blahoslovím ťa, kláňajemtisja, slavoslóvim ťa. - Blahodarím ťa, velikíja rádi slávy tvojejá, Hóspodi, Cárju nebésnyj. - Bóže Otče vsederžíteľu, Hóspodi, Sýne jedinoródnyj Isúse Christé, i Svjatýj Dúše, Hóspodi Bóže. - Áhnče Bóžij, Sýne Otč. - Vzémľaj hrich míra, pomíluj nas.- Vzémľaj hrichí míra, prijmí molítvy náša. - Siďáj odesnúju Otcá, pomíluj nás. - Jáko ty jedín svjat, ty jedín Hóspoď, Isús Christós, vo slávu Bóha Otcá, amíň. - Na vsjak deň blahoslovím ťa, i voschválim ímja tvojé vo vik, i vo vik víka. - Hóspodi, pribížišče byl jesí nam, vo rod i rod. - Az rich, Hóspodi, pomíluj mja, i iscilí dúšu mojú, jáko sohriších tebí. - Hóspodi, k tebí pribihóch, naučí mja tvoríti vóľu tvojú, jáko ty jesí Bóh moj. - Jáko u tebé jesť istóčnik životá, vo svíťi tvojém úzrim svít. - Probávi mílosť tvojú víduščym ťa. - Spodóbi, Hóspodi, v nošč sijú, bez hrichá sochranítisja nám. - Blahoslovén jesí, Hóspodi Bóže Otéc nášich, i chváľno i proslávlenno ímja tvojé vo víki, amíň. - Búdi, Hóspodi, mílosť tvojá na nás, jákože upováchom na ťa. - Blahoslovén jesí, Hóspodi, naučí nás opravdánijem tvojím. - Blahoslovén jesí, Vladýko, vrazumí nás opravdánijem tvojím. Blahoslovén jesí, Svjatýj, prosvití nás opravdániji tvojími. - Hóspodi, mílosť tvojá vo vík, ďil rukú tvojejú ne prézri.- Tebí podobájet chvalá, tebí podobájet pínije.- Tebí sláva podobájet, Otcú i Sýnu i Svjatómu Dúchu - I nýňi i prísno,* i vo víki vikóv, amíň

Víruju vo jedínaho Bóha Otcá, vsederžíteľa, tvorcá néba i zemlí, vídimych že vsich i nevídimych. – I v jedínaho Hóspoda Isúsa Christá Sýna Bóžija * jedinoródnaho, iže ot Otcá roždénnaho préžde vsich vik. – Svíta ot svíta, Boha ístinna ot Boha ístinna, * roždénna, nesotvorénna, jedinosúščna Otcú, ímže vsja býša. – Nas ďíľa čelovik, i nášeho rádi spasénija sšédšaho s nebés, * i voplotívšahosja ot Dúcha svjáta, i Maríji Ďívy, i vočelovíčšasja. – Raspjátaho že za ny pri Pontíjsťim Piláťi, i stradávša i pohrebénna, * – i voskrésšaho v tréťij deň po pisánijem. – I vozšédšaho na nebesá, i siďáščaho odesnúju Otcá, * i páki hrjadúščaho so slávoju sudíti živým i mértvym, jehóže cárstviju ne búdet koncá. – I v Dúcha Svjatáho, Hóspoda životvorjáščaho, * iže ot Otcá [i Sýna] ischoďáščaho – Iže so Otcém i Sýnom spoklaňájema i soslávima, * hlahólavšaho Proróki. – Vo jedínu, svjatúju, sobórnuju i apostolskuju Cérkov. – Ispovíduju jedíno kreščénije * vo ostavlénije hrichóv. – Čáju voskresénija mértvych. * I žízňi búduščaho víka. Amíň.

kanón presvjaťíj Bohoródici. Hlás 1.

[Písň 1]

irmós: Písň pobídnuju pojím vsí Bóhu, sotvóršemu dívnaja čudesá mýšceju vysókoju, i spásšemu Izráiľa, jáko proslávisja.

Svjaščénije prečístoje rádujsja Ďívo, ánhelov ukrašénije, i prijátelišče Dúcha, nevísto neporóčnaja otcá beznačálna, i Máti slóva Bóžija.

Caríca jesí, jáko caréva dščí, prozjábši Bohoródice Vladýčice, i carjá Bóha róždši plótiju, i s ním cárstvuješi.

Sláva: Pojét roždestvó tvojé Davíd pivéc, prevospivájet že Isáia utróbu tvojú prečístuju, Maríje vsečístaja, Christijánstiji že ľúdije slávjat roždestvó tvojé.

I nýňi: Propovídujet cérkov roždestvó tvojé Ďívo Bohonevísto, pravoslávnymi učéniji, i veščmí božéstvennymi, obrazóm bo voploščénija Sýna tvojehó poklaňájetsja.

[Písň 3]

irmós: Kámeň, jehóže nebrehóša zížduščiji, séj býsť vo hlavú úhla: tój jésť kámeň, na némže utverdí cérkov Christós, júže ot jazýk iskupí.

Slávu ďívstva imúšči, obleklásja jesí blahodátiju Dúcha svjatáho, prečístaja Maríje, jávľšisja Bohoródica, nóvoje tájinstvo i sokrovénnoje: Káko bo Bóha plótiju róždši ďívstvuješi?

Ďílo, jéže soďílal jesí Hóspodi, któ skážet? júže bo prokľát v pečáľich rodíti čáda, Sýn pokazálsja jesí sejá, i rádujetsja žénskoje pádšeje jestestvó o tebí Bózi Bohoródicy rádi.

Sláva: Búrja prehrišénij rišítsja míru, tobóju prečístaja Maríje Bohoródice jedína. Ťím ťá, jáko pristánišče spasénija imúšče, voschvaľájem vírniji, pojúšče velíčija tvojá.

I nýňi: Vospít ďívstvu proróki drévle, rodíti ťá bezľítnaho v ľíta, i páče slóva Slóvo, jedínaho ot Tróicy Christá Bóha nášeho: jehóže cérkov Máti čístaja, počitájet óbrazy.

[Písň 4]

irmós: Dúchom províďa proróče Avvakúme, slovesé voploščénije, propovídal jesí vopijá: vnehdá priblížitisja ľítom, poznáješisja, vnehdá prijití vrémeni, pokážešisja, sláva síľi tvojéj Hóspodi.

Sedmosvítloje zercálo božéstvennych prorók mnohoobrázno pojét obrazovánija tvojá: mý že ďílom známenija ischóda tvojehó vosprijémše, Bohoródicu ťá voístinnu, veščmí víďašči vírujem.

Bóžiju ťá dostójno Máter, voístinnu Ďívo čístaja, čtúšče slávim mý, svójstvennyj prinosjášče hlás tebí, v zakóňi i prorócich propovídanňij: rádujsja obrádovannaja, Hospóď s tobóju.

Sláva: Sé božéstvennaja horá, júže víďi Avvakúm, dobroďítelej síň súšči jávi, Bohoródica prosijá v míri, jéjuže drévle otstúpľšiji prestuplénijem, ábije Bóhu priblížichomsja.

I nýňi: blAžén jazýk, prepítaja čístaja, íže čestí spodóbisja roždestvó tvojé vírno, pravoslávijem i učénijem i ďíly, ístinňi javľája vsjá óbrazy voploščénija Sýna tvojehó.

[Písň 5]

irmós: Ot nóšči útreňujušče, vospivájem ťá Christé Bóže, obniščávšaho nás rádi, i krest, i smérť plótiju preterpívšaho.

Sokrovénno tájňi javľáše ťá kupinú Moiséj, neopalímuju Bohoródice Vladýčice: veščéstvennaja bo tvojá ložesná ne opalíšasja Božestvóm.

Slovesé Bóžija ťá Máter vospivájušče, Bohoródice čístaja, slovésnoje prinósim cvitúščeje darovánije tebí, o némže rádovatisja vírujem.

Sláva: ot skvérnych ustén ne otvratí pochvalénija, Bohoródice prečístaja: ňísť bo na zemlí, íže ťá po dostojániju vospíti derzájet.

I nýňi: Jedín jésť vo dvojú suščestvú, íže ot Ďívy roždéjsja, jáko Bóh nevídimyj, i jáko čelovík, vóleju nás rádi upodóbivyjsja čelovíkom.

[Písň 6]

irmós: Proróka Jónu podražája vopijú: živót mój bláže svobodí iz tlí, i spasí mja Spáse míra, zovúšča: sláva tebí.

Mýslennyj ťá svíščnik Ďívo, i sedmosijánnyj zrít prorók, pokazúja jávi Dúcha ďíjstvija, bleščáščasja v tebi.

Drévo tý javílasja jesí Ďívo živonósnoje voístinnu, plodóm tvojím ľstívaho zmíja umorívšeje, čelovíkom že živót róždši Christá Bóha.

Sláva: Ne krasná pochvalá ot skvérnych ustén tebí prinósitsja, Máti Bóha nášeho čístaja: no vížď duší mojejá želánije, i sijé prijimí.

I nýňi: Šatájutsja bezzakónniji v molví hórkaho nevírija: jehdá tókmo víďat pravoslávnych sobóry, lobyzájuščich tvój Ďívo óbraz.

Hóspodi pomíluj, tríždy. Sláva, i nýňi:

Sidálen, hlás 1. Podóben: Hrób tvój: Okormí čístaja, okajánnuju mojú žízň, i uščédri vseneporóčnaja, dúšu, popólzšujusja mnóhimi prehrišéniji vo hlubinú pohíbeli, i v čás mjá smértnyj svobodí klevéščuščich bisóv, i strášnaho otvíta.

[Písň 7]

irmós: Súščym v peščí otrokóm tvojím Spáse, ne prikosnúsja, nižé stuží óhň. Tohdá trijé, jáko jedíňimi ustý pojáchu i blahoslovľáchu, hlahóľušče: Blahoslovén Bóh otéc nášich.

Preukrašénna javísja dobroďíteľmi Bohonevísto, slávoju i čéstiju ďívstva: krasňíjša bo blahoľípijem dobróta tvojá voístinnu, račítel Hospóď tebé privedé Máter božéstvennuju sebí.

Žézl čístaja, právosti jávi bylá jesí, žézl cárstvija prečéstňijšij. Ťímže plód Bóžija Slovesé prozjablá jesí, jéže i čúdo izdaléča Aarónov jávi žézl proobrazí.

Sláva: Ťilésnymi strasťmí mnóhimi oskvernív ťílo že i slóvo i dúšu, káko tvojú čístaja, dobroďítelej vospojú krasotú? Nedoumíju i ustrašájusja: no samá mňí búdi tvojími molítvami pómošč.

I nýňi: Tvojehó Christé voploščénija čtú sojedinénije, i sehó óbrazu poklaňájusja Bohoľípno, jáko Bóh sýj predvíčnyj, ot Ďívy býsť čelovík nepremínen, sám vo obojú soveršén.

[Písň 8]

irmós: Jehóže užasájutsja ánheli, i vsjá vóinstva, jáko tvorcá i Hóspoda, pójte svjaščénnicy, proslávite ótrocy, blahoslovíte ľúdije, i prevoznosíte vo vsjá víki.

Božéstvennoje svjaščénije, da vospojétsja Bóžije, ímže izbávisja mír ot tlí. Vostánite vsí pádšiji inohdá: Maríja bo rodí Christá spasénije.

Pojém ťá prečístaja, i Máti Bóžija: i któ ne slávit ťá voístinnu blahúju, súščuju nadéždu dúš nášich? Ťímže presvjatája, moľbú mojú prijimí.

Sláva: Ujasnítesja dnés písňmi vírniji: proslávite ánheli, i čelovícy vkúpi, jáko dijávol pádajet i otčájanije: Maríja bo rodí nám nadéždu spasénija.

I nýňi: Ne opisújte Božestvá, ne lžíte sľipíji: prósťi bo nevídimo i nezríteľno jésť: plóti že óbraz voobrazúja, poklaňájusja, i víroju slávľu róždšuju Hóspoda Ďívu.

[Písň 9]

irmós: Svitonósnyj óblak, vóňže vsích Vladýka, jáko dóžď s nebesé na runó sníde, i voplotísja nás rádi, býv čelovík, beznačáľnyj, veličájem vsí jáko Máter Bóha nášeho čístuju.

Rádujsja Maríje, velíkoje vsejá tvári čúdo. Rádujsja dščí úbo Davídova, Hospódňa že Máti. Rádujsja pínije Havrijílovo. Rádujsja pribížišče i utverždénije, i pómošč vsím presvjatája, súščym na zemlí hríšnikom.

Pojét Dúchom božéstvennym, i vospivájet blahodárstvennuju písň, Joakím čúdnyj, i božéstvennaja Ánna, jáko víďaše na zemlí Máter sozdáteľa, júže rodíša dščér Maríju: jejáže molítvami vsích spasí nás jáko Bóh.

Sláva: O presvjatája Ďívo Máti Bóha výšňaho! Tvojé roždestvó na zemlí spasénije javísja hríšnym i smirénnym: o tebí bo spasóchomsja vírovavše, no spasáješi mjá i nýňi, i vo vsjá víki žíznennyja.

I nýňi: Voploščénna Slóva, no neprelóžna vím. Ťímže vospiváju jehó vírno, vo dvojú úbo suščestvú, ipostási že jedíňij: jehóže voístinnu jáko Bóha i čelovíka propovídaja, písň soveršáju.

Dostójno jésť jáko vo ístinu blažíti ťá Bohoródicu, prisnoblažénnuju i preneporóčnuju i Máter Bóha nášeho. Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.

Kondák pázdnika

Ášče ňísť prázdnika troparí sijá:

Hlás 4. Bóže otec nášich, tvorjáj prísno s námi po tvojéj krótosti, ne otstávi mílosti tvojejá ot nás, no molítvami ích v míri uprávi živót náš.

Vo vsém míri múčenik tvojích krovmí, jáko bahrjaníceju i víssom, cérkov tvojá ukrasívšisja, ťími vopijét tí Christé Bóže: ľúdem tvojím ščedróty tvojá nizposlí, mír žíteľstvu tvojemú dáruj, i dušám nášym véliju mílosť.

Sláva, hlás 8. So svjatými upokój, Christé, dúšy ráb tvojích, íďíže ňísť boľízň, ni pečáľ, ni vozdychánije, no žízň bezkonéčnaja.

I nýňi: Molítvami, Hóspodi, vsích svjatých i Bohoródicy, tvój mír dážď nám, i pomíluj nás, jáko jedín ščédr.

Hóspodi pomíliuj 40x

Molitva: Íže na vsjákoje vrémja i na vsjákij čas, na nebesí i na zemlí poklaňajemyj i slávimyj, Bóže blahíj, dolhoterpilívyj i mnohomílos-tivyj, právednyja ľubjáj, i hríšnyja mílujaj, vsjá zovýj ko spaséniju, obiščánija rádi búduščich blah: sám, Hóspodi, priimí í náša v čás séj molítvy, i isprávi živót naš, k zápovidem tvojím dúšy náša osvjatí, ťilesa očísti, pomyšlénija isprávi, rázum ucilomúdri, i istrézvi, i izbávi nás ot vsjákija skórbi, zól i boľíznej, i ohradí nas svjatými ánhely tvojími, jáko da opolčénijem ich sobľudájemi í nastavľájemi, dostíhnem v jedínstvo víry, i v rázum neprikosnovénnyja tvojejá slávy: jáko blahoslovén jesí vo víki vikóv, amiň.

Hóspodi pomiluj 3x.

Sláva: I nýňi:

Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.

Ímenem Hóspodnim blahoslovi ótče.

Svj. Bóže, uščédri my, i blahosloví ny, prosvití licé tvojé na ny, í pomíluj ny.

Ľ.: Amiň.

Molítva: Neskvérnaja, nebláznaja, netľínnaja, prečístaja Ďívo, Bohonevísto Vladýčice, Bóha Slóva čelovíkom preslávnym tvojím roždestvóm sojedinívšaja, i odpádšeje jestestvó róda nášeho nebésnym sovokúpľšaja: Nenadéždnych jedína nadéždo, i pobiždájemych pomóščnice, hotóvoje zastuplénije k tebí pribihájuščych, i vsích christiján pribížišče: Ne hnušájsja mené hríšnaho i skvérnaho, skvérnymi pómysly, i slovesý, i ďijáňmi vsehó sebé nepotrébna sotvóršaho, i slastém i unýniju, ľínosti nrávom, rabá bývšaho. No jáko čelovikoľubívaho Bóha Máti, čelovikoľúbňi umilosérdisja o mňí hríšňim i blúdňim, i prijmí mojé ot skvérnych ustén prinosímoje tebí molénije, i tvojehó Sýna, i našého Vladýku i Hóspoda, máternym tvojím derznovénijem objémši, umolí, da otvérzet i mňí čelovikoľúbnoje milosérdije svojejá báhosti, i prezrív mojá bezčíslennaja sohrišénija, obratít mjá na pokajánije, i svojích zápovidej ďílateľa iskúsna javít mjá. Predstáni mňí prísno, jáko mílostivaja, i milosérdaja, i blahoľubívaja, v nastojáščej séj žízni téplaja predstáteľnice i pomóščnice, soprotívnych polkí othoňájušči, i ko spaséniju nastavľájušči mjá: I vo vrémja ischóda mojehó okajánnuju dúšu sobľudájušči, i témnyja óbrazy lukavých bisóv daléče ot nejá otrivájušči: V strášnyj že déň právednaho sudá víčnyja mjá izbavľájušči mukí, i neizrečénnyja slávy tvojehó Sýna i Bóha našehó nasľídnika mjá javľájušči. Júže i da ulučú, Vladýčice mojá presvjatája Bohoródice, tvojehó rádi chodátajstva i zastuplénnija, blahodátiju i čelovikoľúbijem jedinoródnaho Sýna tvojehó, Hóspoda i Bóha i Spása nášeho Isúsa Christá: Jemúže podobájet vsjákaja sláva, čésť i poklonénije, so beznačáľnym jehó otcém, i presvjatým i blahím i životvorjáščim jeho Dúchom, nýňi i prísno i vo víki vikóv Amíň.

Táže: I dážď nám Vladýko, na són hrjadúščym pokój duší, i ťíla i sochraní nás ot mráčnaho sná hrichóvnaho, i ot vsjákaho témnaho sladostrástija. Utiší stremlénija strastéj, uhasí ražžénnyja stríly lukávaho, jáže na ný lukávno dvížimyja, i vostánije plóti nášeja utolí, i vsjákoje zemnóje i véščnoje náše mudrovánije uspí. I dáruj nám Bóže, bódr úm, i cilomúdr pómysl, sérdce trezvjáščejesja, són lehók, i vsjákaho sataniná mečtánija neiskúsen. Vozstávi že nás vo vrémja molítvy, utverždénnych v zápovidech tvojích, i pámjať sudéb tvojích v sebí výnu imúščich. I vsenóščnoje slavoslóvije nám dáruj, vo jéže píti i blahoslovíti i sláviti prečestnóje i velikoľípoje imja tvojé, Otcá, i Sýna, i vsjatáho Dúcha, nýňi i prísno, i vo víki vikóv, amíň.

Preslávnaja prisnoďívo Bohoródice, prijmí molítvy náša, i donesí já Sýnu tvojemú i Bóhu nášemu, da spasét tebé rádi dúši náša.

Upovánije mojé Otéc, pribížišče mojé Sýn, i pokrovíteľ nám jésť Dúch svjatýj, Trójce svjatája, sláva tebí.

Tropár, hlás 6: Pomíluj nás Hóspodi, pomíluj nas: vsjákaho bo otvíta nedoumíjušče, sijú tí molítvu jáko Vladýci hríšniji prinósim: pomíluj nas.

Slava: Hóspodi pomíluj nás, na ťá bo upováchom, ne prohňívajsja na ný zílo, nižé pomjaní bezzakónij nášich, no prízri i nýňi jáko milosérd; i izbávi ný ot vráh nášich; ty bo jesí Bóh náš, i my ľúdije tvojí, vsí ďilá rukú tvojéju, i ímja tvojé prizyvájem.

I nyňi: Milosérdija dvéri otvérzi nám Blahoslovénnaja Bohoródice, naďíjuščiji sja na ťá da ne pohíbnem, no da izbávimsja tobóju ot bíd: ty bo jesí spasénije róda christijánskaho.

Jeréj: Pomíluj nás Bóže po velícij mílosti tvojéj, molimtisja, uslýši i pomíluj.

Ľ.: Hóspodi pomíluj 3x

Jeréj: Ješčé mólimsja o jéže sochranítisja hrádu semú i vsjákomu hrádu, vesí i straňí ot hláda, hubíteľstva, trúsa, potópa, hráda, óhňa, mečá, našéstvuja innopleménnik, i Méžduosóbnyja bráni: i o jéže mílostivu býti, blahouvítlivu i blahopreminíteľnu, bláhomu i čelovikoľubívomu Bóhu nášemu, i otvratíti vés hňív svój na ný dvižáščijsja, i izbáviti nás ot naležáščaho právednaho svojehó preščénija i pomílovati nás.

Hóspodi pomíluj 3x

Jeréj: Uslýši ný Bóže Spasíteľu náš, upovánije vsím koncém zemlí i súščym na móri daléče: i mílostive mílostiv búdi nám o hrisích nášich, i pomíluj nás. Mílostiv bo čelovikoľúbec Bóh jesí, tebí slávu vozsylájem, Otcú i Sýnu, i svjatómu Dúchu, nýňi i prísno i vo víki vikóv amíň.

Jeréj: Sláva tebí, Christé Bóže, upovánije náše, sláva tebí.

Sláva i nýňi: Hóspodi pomíluj 3x blahosloví:

Jeréj: Christós ístinnyj Bóh náš, molítvami prečístyja svojeá Mátere, prepodóbnych i bohonósnych otéc nášich, i vcsích svjatých, pomílujet i spasét nás, jáko bláh i čelovikoľúbec.

Amíň

Ornament