Ornament Ornament Jeréj: Blahoslovén Bóh náš, vsehdá nýňi i prísno i vo víki vikóv. (ášče že ňísť jeréja moľáščasja, načinájem: Molítvami svjatých otéc nášich, Hóspodi Iisúse Christé Bóže náš, pomíluj nás.)
I mý: Amíň.

Christós voskrése iz mértvych, * smértiju smerť popráv * i súščym vo hrobích živót darováv. (Triždy)

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.
Amíň.

Troparí tróičny:

Vostávše ot sná, pripádajem Tí, Bláže, i ánheľskuju písň vopijém Tí, Síľne: svját, svját, svját jesí, Bóže, Bohoródiceju pomíluj nás.

Sláva: Ot odrá i sná vozdvíhl mjá jesí, Hóspodi, úm mój prosvití i sérdce, i ustňí mojí otvérzi, vo jéže píti Ťá, svjatája Trójice: svját, svját, svját jesí, Bóže, Bohoródiceju pomíluj nás.

I nýňi: Naprásno Sudijá priídet, i kojehóždo ďijanija obnažátsja. No stráchom zovém v polúnošči: svját, svját, svját jesí, Bóže, Bohoródiceju pomíluj nás.

Hóspodi, pomíluj. (12x)

Ot sná vostáv, blahodarjú Ťa, Svjatája Trójice, jáko mnóhija rádi Tvojejá bláhosti i dolhoterpínija, ne prohňívalsja jesí na mjá ľinívaho i hríšnaho, nižé pohubíl mjá jesí so bezzakóňmi mojími, no čelovikoľúbstvoval jesí obýčno, i v nečájaniji ležáščaho vozdvíhl mjá jesí, vo jéže útrenevati i slavoslóviti deržávu Tvojú. I nýňi prosvití mojí óči mýslennyja, otvérzi moja ustá, poučátisja slovesém Tvojím, i razumíti zápovidi Tvoja, i tvoríti vóľu Tvojú, i píti Ťá vo ispovídaniji serdéčňim, i vospiváti vse svjatóje ímja Tvojé Otcá, i Sýna, i Svjatáho Dúcha, nýňi i prísno, i vo víki vikóv. Amíň.

Priidíte, poklonímsja carévi nášemu Bóhu.

Priidíte, poklonímsja, Christú, carévi, nášemu Bóhu.

Priidíte, poklonímsja, i pripadém samomú Hóspodu Iisúsu Christú, carévi i Bóhu nášemu.

Psalóm 50.

Pomíluj mjá, Bóže, po velícij mílosti Tvojéj, * i po mnóžestvu ščedrót Tvojích očísti bezzakónije mojé. - Naipáče omýj mjá ot bezzakónija mojehó, * i ot hrichá mojehó očísti mjá. - Jáko bezzakónije mojé áz znáju * i hrích mój predo mnóju jésť výnu. - Tebí jedínomu sohriších * i lukávoje pred Tobóju sotvorích, - jáko da opravdíšisja vo slovesích Tvojích, * i pobidíši vnehdá sudíti Tí. - Sé bo v bezzakónijich začát jésm, * i vo hrisích rodí mja máti mojá. - Sé bo ístinu vozľubíl jesí, * bezvístnaja i tájnaja premúdrosti Tvojejá javíl mí jesí. - Okropíši mjá issópom, i očíščusja, * omýješi mjá i páče sňíha ubiľúsja. - Slúchu mojemú dási rádosť i vesélije, * vozrádujutsja kósti smirénnyja. - Otvratí licé Tvojé ot hrích mojích, * i vsja bezzakónija moja očísti. - Sérdce čísto sozíždi vo mňí, Bóže, * i dúch práv obnoví vo utróbi mojéj. - Ne otvérži mené ot licá Tvojehó * i Dúcha Tvojehó Svjatáho ne otimí ot mené. - Vozdážď mi rádosť spasénija Tvojehó, * i Dúchom Vladýčnim utverdí mja. - Naučú bezzakónnyja putém Tvojím * i nečestíviji k Tebí obraťátsja. - Izbávi mjá ot krovéj, Bóže, Bóže spasénija mojehó: * vozrádujetsja jazýk mój právďi Tvojéj. - Hóspodi, ustňí mojí otvérzeši, * i ustá moja vozvisťát chvalú Tvojú. - Jáko ášče by voschoťíl jesí žértvy, dál bých úbo: * vsesožžénija ne blahovolíši. - Žértva Bóhu dúch sokrušén: * sérdce sokrušénno i smirénno Bóh ne uničižít. - Ublaží, Hóspodi, blahovolénijem Tvojím Sióna, * i da sozíždutsja sťíny Ijerusalímskija. - Tohdá blahovolíši žértvu právdy, voznošénije i vsesožehájemaja: * tohdá vozložát na oltár Tvój teľcý.

Sláva, i nýňi:

Víruju vo jedínaho Bóha Otcá, vsederžíteľa, tvorcá nébu i zemlí, vídimym že vsim i nevídimym. I vo jedínaho Hóspoda Iisúsa Christá Sýna Bóžija jedinoródnaho, iže ot Otcá roždénnaho préžde vsich vik. – Svíta ot svíta, Boha ístinna ot Boha ístinna, roždénna, nesotvorénna, jedinosúščna Otcú, ímže vsja býša. – Nas rádi čelovik, i nášeho rádi spasénija sšédšaho s nebés, i voplotívšahosja ot Dúcha svjáta, i Maríji Ďívy, i vočelovíčšasja. – Raspjátaho že za ny pri Pontíjsťim Piláťi, i stradávša i pohrebénna, – i voskrésšaho v tréťij deň po pisánijem. – I vozšédšaho na nebesá, i siďášča odesnúju Otcá, i páki hrjadúščaho so slávoju sudíti živým i mértvym, jehóže cárstviju ne búdet koncá. – I v Dúcha Svjatáho, Hóspoda životvorjáščaho, iže ot Otcá [i Sýna] ischoďáščaho – Iže so Otcém i Sýnom spoklaňájema i soslávima, hlahólavšaho proróki. – Vo jedínu, svjatúju, sobórnuju i apostolskuju Cérkov. – Ispovíduju jedíno kreščénije vo ostavlénije hrichóv. – Čáju voskresénija mértvych.I žízňi búduščaho víka. Amíň.

Molítva 1.

(poneďíľnik)

Bóže, očísti mjá hríšnaho, jáko nikolíže sotvorích blahóje pred Tobóju, no izbávi mjá ot lukávaho, i da búdet vo mňí vóľa Tvojá: da neosuždénno otvérzu ustá moja nedostójnaja, i voschvaľú ímja Tvojé svjatóje, Otcá, i Sýna, i Svjatáho Dúcha, nýňi i prísno, i vo víki vikóv. Amíň.

Molítva 2.

(poneďíľnik)

Ot sná vostáv, polúnoščnuju písň prinošu Ti, Spáse, i pripádaja, vopijú Ti: ne dážď mí usnúti vo hrichóvňij smérti, no uščédri mjá, raspnýjsja vóleju, i ležáščaho mjá v ľínosti uskorív vozstávi, i spasí mja v predstojániji i molítvi: i po sňí noščňím vozsijáj mí déň bezhríšen, Christé Bóže, i spasí mja.

Molítva 3.

(vivtórok)

K Tebí, Vladýko Čelovikoľúbče, ot sná vostáv pribiháju, i na ďilá Tvoja podvizájusja milosérdijem Tvojím, i moľúsja Tebí: pomozi mňí na vsjákoje vrémja, vo vsjákoj véšči, i izbávi mjá ot vsjákija mirskíja zlýja véšči, i diávoľskaho pospišénija, i spasí mja, i vvedí v Cárstvo Tvojé víčnoje. Tý bo jesí mój Sotvoríteľ i vsjákomu bláhu Promýslennik i Podáteľ, o Tebí že vsé upovánije mojé, i Tebí slávu vozsyláju, nýňi i prísno i vo víki vikóv. Amíň.

Molítva 4.

(vivtórok)

Hóspodi, Íže mnóhoju Tvojéju bláhostiju i velíkimi ščedrótami Tvojími dál jesí mňí rabú Tvojemú, mimošédšeje vrémja nóšči sejá bez napásti prejtí ot vsjákaho zlá protívna: Tý Sám, Vladýko, vsjáčeskich Tvórče, spodóbi mjá ístinnym Tvojím svítom i prosviščénnym sérdcem tvoríti vóľu Tvojú, nýňi i prísno, i vo víki vikóv. Amíň.

Molítva 5.

(seréda)

Hóspodi Bóže vsederžíteľu, prijémľaj ot nebésnych Tvojích síl trisvjatúju písň, priimí i ot mené nedostójnaho rabá Tvojehó noščnóje sijé pínije, i dážď mňí vsjá ľíta životá mojehó, i na vsjákij čás Tebí slávu vozsyláti Otcú, i Sýnu, i svjatómu Dúchu, nýňi i prísno, i vo víki vikóv, amíň.

Molítva 6.

(četvertók)

Hóspodi Vsederžíteľu, Bóže síl i vsjákija plóti, v výšnich živýj, i na smirénnyja prizirájaj, serdcá že i utróby ispytújaj, i sokrovénnaja čelovíkov jávi predvídyj, Beznačáľnyj i Prisnosúščnyj Svíte, u nehóže ňísť preminénija, ilí preložénija osinénije: Sám, Bezsmértnyj Carjú, prijimí molénija naša, jáže v nastojáščeje vrémja, na mnóžestvo Tvojích ščedrót derzájušče, ot skvérnych k Tebí ustén tvorím: i ostávi nám prehrišénija naša, jáže ďílom, i slóvom, i mýsli ju, víďinijem ilí nevíďinijem sohrišénnaja námi, i očísti ný ot vsjákija skvérny plóti i dúcha: i dáruj nám bódrennym sérdcem i trézvennoju mýsliju vsjú nastojáščaho žitijá nóšč prejtí, ožidájuščym prišéstvija svítlaho i javlénnaho dné Jedinoródnaho Tvojehó Sýna, Hóspoda i Bóha i Spása nášeho Iisúsa Christá, vóňže so slávoju Sudijá vsích prijídet, komúždo otdáti po ďilóm jehó: da ne pádše i obľinívšesja, no bódrstvujušče, i vozdvíženi v ďílanije, obrjáščemsja hotóvi, v rádosť i Božéstvennyj čertóh slávy Jehó sovnídem, iďíže prázdnujuščich hlás neprestánnyj, i neizrečénnaja sládosť zrjáščich Tvojehó licá dobrótu neizrečénnuju. Tý bo jesí ístinnyj Svít, prosviščájaj i osvjaščájaj vsjáčeskaja, i Ťá pojét vsjá tvár vo víki vikóv. Amíň.

Molítva 7.

(pjatníca i subbóta)

Ťa blahoslovím, výšnij Bóže i Hóspodi mílosti, tvorjáščaho prísno s námi velíkaja že i neizsľídovannaja, slávnaja že i užásnaja, íchže ňísť čislá, podávšaho nám són vo upokojénije némošči nášeja, i oslablénije trudóv mnohotrúdnyja plóti. Blahodarím Ťá, jáko ne pohubíl jesí nás so bezzakóňmi nášimi, no čelovikoľúbstvoval jesí obýčno, i v nečájaniji ležáščyja ný vozdvíhl jesí, vo jéže slavoslóviti deržávu Tvojú. Ťímže mólim bezmírnuju Tvojú bláhosť, prosvití náša mysli, očesá, i úm náš ot ťážkaho sná ľínosti vozstávi: otvérzi náša ustá, i ispólni ja Tvojehó chvalénija, jáko da vozmóžem nepokoléblemo píti že i ispovídatisja Tebí, vo vsích i ot vsích slávimomu Bóhu, Beznačáľnomu Otcú, so Jedinoródnym Tvojím Sýnom, i Vsesvjatým, i Blahím, i Životvorjáščim Tvojím Dúchom, nýňi i prísno, i vo víki vikóv. Amíň.

Molítva 8.

(vsjá dni)

Hóspodi, ne liší mené nebésnych Tvojích blah. Hóspodi, izbávi mjá víčnych múk. Hóspodi, umóm li ilí pomyšlénijem, slóvom ilí ďílom sohriších, prostí mja. Hóspodi, izbávi mjá vsjákaho nevíďinija, i zabvénija i malodúšija, i okamenénnaho nečúvstvija. Hóspodi, izbávi mjá ot vsjákaho iskušénija. Hóspodi, prosvití mojé sérdce, jéže pomračí lukávoje pochoťínije. Hóspodi, áz jáko čelovík sohriších, Tý že jáko Bóh ščédr, pomíluj mjá, víďa némošč duší mojejá. Hóspodi, poslí blahodáť Tvojú v pómošč mňí, da proslávľu ímja Tvojé svjatóje. Hóspodi Iisúse Christé, napiší mja rabá Tvojehó v knízi živótňij, i dáruj mí konéc blahíj. Hóspodi Bóže mój, ášče i ničtóže bláho sotvorích pred Tobóju, no dážď mí, po blahodáti Tvojéj, položíti načálo blahóje. Hóspodi, okropí v sérdci mojém, rósu blahodáti tvojejá. Hóspodi nebesé i zemlí, pomjaní mja hríšnaho rabá Tvojehó, stúdnaho i nečístaho, vo cárstviji Tvojém. Amíň. Hóspodi, v pokajániji prijimí mja. Hóspodi, ne ostávi mené. Hóspodi, ne vvedí mené v napásť. Hóspodi, dážď mí mýsľ bláhu. Hóspodi, dážď mí slézy, i pámjať smértnuju, i umilénije. Hóspodi, dážď mí pómysl ispovídanija hrichóv mojích. Hóspodi, dážď mí smirénije, cilomúdrije i poslušánije. Hóspodi, dážď mí terpínije, velikodúšije i krótosť. Hóspodi, vselí v mjá kóreň blahích, strách Tvój v sérdce mojé. Hóspodi, spodóbi mjá ľubíti Ťá ot vsejá duší mojejá i pomyšlénija, i tvoríti vo vsém vóľu Tvojú. Hóspodi, pokrýj mjá ot čelovík ňíkotorych, i bisóv, i strastéj, i ot vsjákija inýja nepodóbnyja véšči. Hóspodi, vísi, jáko tvoríši, jákože Tý vóliši, da búdet vóľa Tvojá i vo mňí hríšňim: jáko blahoslovén jesí vo víki. Amíň.

Molítva 9.

(vsjá dni)

Mnohomílostive i Vsemílostive Bóže mój, Hóspodi Iisúse Christé, mnóhija rádi ľubvé sšél i voplotílsja jesí, jáko da spaséši vsích. I páki, Spáse, spasí mja po blahodáti, moľú Ťa: Ášče bo ot ďíl spaséši mjá, ňísť se blahodáť i dár, no dólh páče. Jéj, mnóhij v ščedrótach, i neizrečénnyj v mílosti! Vírujaj bo v Mjá, rékl jesí, o Christé mój, žív búdet, i ne úzrit smérti vo víki. Ášče úbo víra, jáže v Ťá, spasájet otčajannyja, sé víruju, spasí mja, jáko Bóh mój jesí Tý i Sozdáteľ. Víra že vmísto ďíl da vminítsja mňí, Bóže mój, ne obrjáščeši bo ďíl otňúd opravdájuščich mjá. No tá víra mojá da dovľíjet vmísto vsích, tá da otviščájet, tá da opravdít mjá, tá da pokážet mjá pričástnika slávy Tvojejá víčnyja. Da ne úbo pochítit mjá sataná, i pochválitsja, Slóve, jéže ottórhnuti mjá ot Tvojejá rukí i ohrády. No ilí choščú, spasí mja, ilí ne choščú, Christé Spáse mój, predvarí skóro, skóro, pohibóch: Tý bo jesí Bóh mój ot čréva mátere mojejá. Spodóbi mjá, Hóspodi, nýňi vozľubíti Ťá, jákože vozľubích inohda tój sámyj hrích; i páki porabótati Tebí bez ľínosti tóščno, jákože porabótach préžde sataňí ľstívomu. Najipáče že porabótaju Tebí, Hóspodu i Bóhu mojemú Iisúsu Christú, vo vsja dni životá mojehó, nýňi i prísno, i vo víki vikóv. Amíň

Molítva 10.

(vsjá dni)

Ánhele christóv svjatýj, k tebí pripádaja moľúsja, chraníteľu mój svjatýj, pridánnyj mňi na sobľudénije duší i ťíla mojehó hríšnaho ot svjatáho kreščénija: áz že mojéju ľínostiju i mojím zlým obýčajem prohňívach tvojú prečístuju svítlosť, o othnách ťá ot mené vsími stúdnymi ďíly: lžámi, klevetámi, závistiju, osuždénijem, prezórstvom, nepokórstvom, bratonenaviďínijem i zlopomňínijem, srebroľúbijem, preľuboďijánijem, járostiju, skúpostiju, objadénijem bez sýtosti i opíľstvom, mnohohlahólanijem, zlými pómysly i lukávymi, hórdym obýčajem, i blúdnym vozviščénijem, imýj samochoťínije na vsjákoje plotskóje voždeľínije O zlóje mojé prizvolénije, jehóže i skotí bezslovésniji ne tvorját, sijé áz bezzakónnyj siďiváju. O svjatýj mój chraníteľu, da káko vozmóžeši vozzríti na mjá, ilí pristupíti k mňí áki k psú smerďáščemu? Kotóryma li očíma, ánhele christóv, vozzríši na mjá, oplétšasja zľí v hnúsnych ďíľich: da káko užé vozmóhu otpuščénija prosíti hórkim i zlým mojím i lukávym ďijánijem, v ňáže vpádaju po vsjá dní i nóšči i na vsjákij čás? No moľúsja tebí pripádaja, chraníteľu mój svjatýj, umilosérdisja na mjá hríšnaho i nedostójnaho rabá tvojehó, búdi mňí zastúpnik i pomóščnik na zláho mojehó soprotívnika svjatými tvojími molítvami, i cárstvija bóžija pričástnika mjá sotorí so vsími svjatými, vo víki vikóv, amíň.

Molítva 11.

(vsjá dni)

Presvjatája Vladýčice mojá Bohoródice, svjatými Tvojími i vsesíľnymi moľbámi, otžení ot mené smirénnaho i okajánnaho rabá Tvojehó unýnije, zabvénije, nerazúmije, neraďínije, i vsja skvérnaja, lukavaja i chuľnaja pomyšlénija, ot okajánnaho mojehó sérdca, i ot pomračénnaho umá mojehó: i pohasí plámeň strastéj mojích, jáko níšč jésm i okajánen. I izbávi mjá ot mnóhich i ľútych vospominánij i predprijá-tij, i ot vsích ďíjstv zlých svobodí mja. Jáko blahoslovénna jesí ot vsích rodóv, i slávitsja prečestnóje ímja Tvojé, vo víki vikóv. Amíň.

Píšň polúnoščnaja, ko presvjaťíj Bohoródici:

Vospiváju blahodáť Tvojú, Vladýčice, moľú Ťa, úm mój oblahodatí. Stupáti právo mjá nastávi, putém Christóvych zápovidej. Bďíti k písni ukripí, unýnija són othoňájušči. Svjázana plenícami hrichopadénij, moľbámi Tvojími razriší, Bohonevísto. V noščí mja i vo dní sochraňáj, borjúščich vráh izbavľájušči mjá. Žiznodáteľa Bóha róždšaja, umerščvléna mjá strasťmí oživí. Jáže Svít nevečérnij róždšaja, dúšu mojú osľípšuju prosvití. O, dívnaja Vladýčňa paláto, dóm Dúcha Božéstvenna mené sotvorí. Vračá róždšaja, uvračúj duší mojejá mnohoľitnyja strasti. Volnújuščasja žitéjskoju búreju, ko stezí mja pokajánija naprávi. Izbávi mjá ohňá víčnujuščaho, i čérvija že zláho, i tártara. Da mjá ne javíši bisóm rádovanije, íže mnóhim hrichóm povínnika. Nóva sotvorí mja, obetšávšaho nečúvstvennymi, Preneporóčnaja, sohrišéniji. Stránna múki vsjákija pokaží mja, i vsích Vladýku umolí. Nebés-naja mí ulučíti vesélija, so vsími svjatými, spodóbi. Pre svjatája Ďívo, uslýši hlás ne potrébnaho rabá Tvojehó. Strujú daváj mňí slezám, Prečístaja, duší mojejá skvérnu očiščájušči. Stenanija ot sérdca prinošú Ti neprestánno, usérdstvuj Vladýčice. Molébnuju slúžbu mojú prijimí, i Bóhu blahoutróbnomu prinesí. Prevýššaja ánhel, mirskáho mjá prevýšša slítija sotvorí. Svitonósnaja síne nebésnaja, duchóvnuju blahodáť vo mňí naprávi. Rúci vozďíju i ustňí k pochvaléniju, oskvernény skvérnoju, Vseneporóčnaja. Dušetľínnych mjá pákostej izbávi, Christá priľížno umoľájušči: jemúže čésť i poklonénije podobájet, nýňi i prísno, i vo víki vikóv. Amíň.

Dostójno jésť jáko vojístinu, blažíti Ťá Bohoródicu, prisnoblažénnuju i preneporóčnuju, i Máter Bóha nášeho. Čestňíjšuju Cheruvim i slávňijšuju bez sravnénija Serafim, bez istľínija Bóha Slóva róždšuju, súščuju Bohoródicu Ťá veličájem.

Sláva, i nýňi: Hóspodi, pomíluj. (3x)

Christós ístinnyj Bóh náš, molítvami prečístyja svojejá Mátere, prepodóbnych i bohonósnych otéc nášich, i vsích svjatých, pomílujet i spasét nás, jáko bláh i čelovikoľúbec.

Lík: Amíň.

(ášče molítsja mírjan molítvu, netvorít otpúst sícevyj, no hlahólet : Dostójno jésť: Sláva, i nýňi: Hóspodi, pomíluj. (3x) Blahosloví. Molítvami svjatých otéc nášich, Hóspodi Iisúse Christé Bóže náš, pomíluj nás. Amíň.) Ornament